PANGERAN DAYAK MAANYAN

Tentang semua kerinduan terhadap kampung halaman nan luas di alam semesta

Matei Mitu (sajak Bahasa Maanyan tentang dunia sesudah bunuh diri)

Leave a comment

Gambut rusakMatei Mitu

Aku puang batenga daging lagi

Pada aku puang kaiyuh kakihi diwi’

Rimutku haut wawai hang penah lasi

Puang kaiyuh lagi ma umme lepuh masi

Aku yena haut tawang ma dunia adiau

Ammirueku tawang jalah wuah dinna’ kariyau

Aku mintu ngu’ut racun tuwe pahiyau

Aku nanan dunia puang iyuh lagi na herau

Antuh ulun tumpuk aku matei mitu

Puang kaule nahan hanang atei situ

Ganna sarak andri darangan isa na kalelu tu’u

Asalni daya ulun matueh pulaksanaiku puang katuju

Aku itati jari amirue ekat

Kujuk kujuk takiya ngume buntat

Teka dunia ma tumpuk adiau natat

Nyabarang mareh hungei pampatei upak

Pitu andrau pitu malem aku takiya’

Hampe tumpuk adiau pulau ramania

Kawan kayu kaya jari kakuring kariya

Erang katumpukan ulun arai ngararia

Aku nadap kapala pangulu tumpuk amirue

Sa manuwu maharung hang tuhi hungei mareh iwure’

Ngaranni hi KAKAH GANTAR TANE BALULE

Babaju baling balunsar jalah kenah sule

Pakat tumpuk adiau aku na unnur

Daya matei mitu huan hampe umur

Baya kawan adiau matei puang iyuh sampur

Na huyu tulak itah padang tampupur

Aku ulek kalekuk puang kahaba akal

Hang atei ekat kainam sasal

Jari ulun hang dunia isa puang baakal

Na uring mitu nawan kakal

Ekat aku itati jari amirue panasaran

Puang na tarime hang tumpuk tangkuraran

Raerai ngulah punuk ngulah lalan

Higa hungai hang kutuan Lanan

Ma naun kawan isa lagi welum hang yari

Biar kalaawe weat masalah hang dunia iri

Ada hampe mitu jalah aku yari

Jari amirue samiding jalah rawen ampiri

Author: tumpuknatat

I am a dreamer and lover

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s