PANGERAN DAYAK MAANYAN

Tentang semua kerinduan terhadap kampung halaman nan luas di alam semesta


3 Comments

PUANG JARI ANGGOTA DEWAN by David S Suwito

ZZZZZZZZZZZZZZZZZZ DakuCALEG PUANG JARI DEWAN

Itah yena aku hamen bakesah

Iwara kawan ina panyusah

Tenga mais jalah garinting tapah

Hanang ateiku intunu kakah

Rawen paring rawen wulu

Karuwang sungkat amau ulu

Wulan epat yari aku umma pemilu

Hasilni ngulah hanang ulu

Aku mancaleg hang partai mariang

Jari dewan aheng amun sa manang

Mewakili tumpuk Siung Telang

Ngaheng jari dewan hang Tamiang

Galis duit baratus juta

Hampe ka’i galis amput panguta

Umma kampanye umma ipata

Ma’eh paner  jalah tata

Teka Sarapat hampe Murutuwu

Tariye pada hang Tampa Dayu

Jalah ulun raja manuwu

Ngunu pemilu ngami tantulu

Erang wulan aku kampanye

Ringi ri’ai jalah namur wunge

Aku, hanyu, takam, here, hanye

Nimpun dukungan hang wuang wange

Wurung karuwang hang lawi kanilan

Tumpuk sagar sejahtera berkeadilan

Maju hang pendidikan andri  kesehatan

Janji Kampanyeku ka’iru lengan

Kude upiku yena kajut tamam

Dami talau kalian nanam

Ulun uras midi’ hi Busu Ganam

Sa mareh duitni jalah hungei Ranam

Hasil pemilu hang wulan epat

Sa midi aku ulunni epat

Kawan lain galis nempat

Midi here teka serapat

Hang Mabidek pada midi’ aku butit

Ekat bumuhan here kakah barutit

Dada mahanang jari hipit

Kakupe kawan wurung munsit

Pa’uweng guna aku manyasal

Nelang ngantung wasi babasal

Haut talau se sa’akal

Mulek lagi aku ngari kantal

Dime taun lagi aku sika umma

Ngakali lengan sa rama rama

Mewakili Dapil Barito Utara

Jari dewan hang Palangka Raya

Balikpapan, Mei 2009Aa Aaku

Umpu Kakah kelelu’an itak

David S


6 Comments

peribahasa dalam bahasa Maanyan

  • Apui Ngalulumang jewe galis
  • Jalah Manu wauken ete
  • Nikep hang ranu kadaya
  • Ngitap parei puang baape
  • Jalah panggang kehung kungkung using
  • Puang rengei simai lehung
  • Puang hawas pangawiwi
  • Amau erang kadungku lalan
  • Jalah rare’eh hang kapit buntat
  • Hante jalah teung garubak
  • Jalah using andri antahu
  • Kuman nanam ape, ranu jalah barunrui
  • Jalah jewe udi tutung
  • Maintem jalah para dikang
  • Giset giset kape ehu
  • Madi makasem puang barangi

Anak Dayakkk juaaa