PANGERAN DAYAK MAANYAN

Tentang semua kerinduan terhadap kampung halaman nan luas di alam semesta

PUANG JARI ANGGOTA DEWAN by David S Suwito

3 Comments

ZZZZZZZZZZZZZZZZZZ DakuCALEG PUANG JARI DEWAN

Itah yena aku hamen bakesah

Iwara kawan ina panyusah

Tenga mais jalah garinting tapah

Hanang ateiku intunu kakah

Rawen paring rawen wulu

Karuwang sungkat amau ulu

Wulan epat yari aku umma pemilu

Hasilni ngulah hanang ulu

Aku mancaleg hang partai mariang

Jari dewan aheng amun sa manang

Mewakili tumpuk Siung Telang

Ngaheng jari dewan hang Tamiang

Galis duit baratus juta

Hampe ka’i galis amput panguta

Umma kampanye umma ipata

Ma’eh paner  jalah tata

Teka Sarapat hampe Murutuwu

Tariye pada hang Tampa Dayu

Jalah ulun raja manuwu

Ngunu pemilu ngami tantulu

Erang wulan aku kampanye

Ringi ri’ai jalah namur wunge

Aku, hanyu, takam, here, hanye

Nimpun dukungan hang wuang wange

Wurung karuwang hang lawi kanilan

Tumpuk sagar sejahtera berkeadilan

Maju hang pendidikan andri  kesehatan

Janji Kampanyeku ka’iru lengan

Kude upiku yena kajut tamam

Dami talau kalian nanam

Ulun uras midi’ hi Busu Ganam

Sa mareh duitni jalah hungei Ranam

Hasil pemilu hang wulan epat

Sa midi aku ulunni epat

Kawan lain galis nempat

Midi here teka serapat

Hang Mabidek pada midi’ aku butit

Ekat bumuhan here kakah barutit

Dada mahanang jari hipit

Kakupe kawan wurung munsit

Pa’uweng guna aku manyasal

Nelang ngantung wasi babasal

Haut talau se sa’akal

Mulek lagi aku ngari kantal

Dime taun lagi aku sika umma

Ngakali lengan sa rama rama

Mewakili Dapil Barito Utara

Jari dewan hang Palangka Raya

Balikpapan, Mei 2009Aa Aaku

Umpu Kakah kelelu’an itak

David S

Author: tumpuknatat

I am a dreamer and lover

3 thoughts on “PUANG JARI ANGGOTA DEWAN by David S Suwito

  1. bravo upu manuwu biar puang jari dewan harus tetap optimis yang jelas haut nyoba umba berkompetisi teruskan berkarya dengan seluruh potensi yang ada majukan maanyan GBU

    teka Sanggau KalBar

    • Makasih…salamat kenal…ina sekedar karya sastra, puang bermaksud menjatuhkan semangat juang kawan caleg sa huan berhasil…..aku huan kaiyuh jari caleg masih PNS aktif he he

  2. ena kakan buen peda jadi anggota dewan, tapi jadi pengusaha ka takam ndo. soal nio politik urusan geransa alias geramas… hahahaha…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s