PANGERAN DAYAK MAANYAN

Tentang semua kerinduan terhadap kampung halaman nan luas di alam semesta

Perbedaan…..Huan Idarangan andri 10 taun Idarangan

1 Comment

Perbedaan…..Huan Idarangan andri 10 taun Idarangan

Hantek huan idarangan, alias masih pacaran atawa tunangan :

 

Dami sa wawei batang kingking :

 

Wawei : “Yang, kingkingku batan” (*lengan na ulah ulah numpan hedu)

Upu : “aduh, sayang…puang malu leh sayang” (*nyesep bureh ira kingking, masang uruwawa raja panik)

Hantek 10 taun Haut Idarangan :

Wawei : “Pah, kingkingku batan” (*magun hamen hedu xi xi)

Upu :  “Temeh………hang awe sa nganak mate??, luwan eauku ada hanrias bawang nelang nonton sinetron!”

 

Hantek huan idarangan, alias masih pacaran atawa tunangan :

Dami sa lagi hang mall atau pasar :

 

Wawei : “Yang, aku hamen gaun yeru..” (*kuit kuit kingking nutui gaun rarang)

Upu : “Demi sayang…ayo tarueh midini, pasti sayang magin mawiney” (*ngungkar duit pateke-an gaji erang wulan bagawi)

Hantek 10 taun Haut Idarangan :

Wawei : “Pah, aku hamen gaun yeru..” (*kuit kuit kingking nutui gaun rarang)

Upu :  “Inun sa wangunnu mamah? Aur  hamen midi gaun eleh, baju hang lewu puang muat lamari???”

 

 

Hantek huan idarangan, alias masih pacaran atawa tunangan :

Dami sa wawei bapupur bagincu tamam, wiwi mariyang marede hindra:

 

Wawei : “Yang……” (*kitik kitik hindra jalan paunan hamen ngantelui)

Upu : “wow sayang lah..ane puang kataru aku, mawiney tuu hanyu yang, wiwini jalah wiwi Angelina Jolie hindra” (*mawiney atau puang, puang masalah penting menggombal)

Hantek 10 taun Haut Idarangan :

Wawei : “Pah, “Yang……” (*kitik kitik hindra jalan manu waukan ete)

Upu :  “ngunu ma awe sa hanyu mah?? riyang gincu kayiri? Jalah sa artis hindra!?”

 

 

Hantek huan idarangan, alias masih pacaran atawa tunangan :

Dami sa wawei makai gaun seksi, sepatu amau tumit jalah jarangkang, make up iri2 hi Syahrini:

 

Wawei : “Yang……” (*jay jay jangkau ngalut jangkau Model hang Elite Model Inc)

Upu : “Gilaaaaaaa…..Astaga…..bauntung tuu aku na, upu biasa biasa ai, tau memiliki hanyu sa mawiney jalah hi Nadya Hutagalung” (*rayuan pulau angang kaluar

Hantek 10 taun Haut Idarangan :

 

Wawei : “Pah, ……..” (*jap jap jangkau na ulah2 numpan anggun jalah di Titik Puspa)

Upu :  “ngunu ma awe sa hanyu mah?? Ulah makai baju dinung ulun saparu umu ape hang luar kayiri? Ang itatuehan hindra!, hinang sandri!”

 

 

 

Hantek huan idarangan, alias masih pacaran atawa tunangan :

Dami sa wawei padangan, lalu ngundang pacar/tunanganni kuman hang lewu dengan menu “saluang baya tuku na sumap baya teung asem”

 

Wawei : “Yang, marauh kalo luenku? Kuman wahai wahai yang lah?……” (*;puang iyuh puang harus nyakui nahi luen ma lumah sa upu

Upu : “bauntung tuu aku na, sagar uweng darangan mawiney nelang pannai padangan jalah Chef Marinka hindra “(*padahal ikere budas, erang luen ang kakudarat budas)

Hantek 10 taun Haut Idarangan :

 

Wawei : “Pah…! Kuman haut! Ada aur Facebookan tarus!! ……..” (*sakuy nahi ma lumah masing masing he he he)

Upu :  “Inun ngulah sa erang luen nu mah? Hampe sa mapait budas..puang ule kuta…awe luen kalumpe penah andrau nien, aku kakan sa hiye” (*padahal kalumpe nien ulahan darangan pada eh)

 

 

 

Hantek huan idarangan, alias masih pacaran atawa tunangan :

Dami sa upu tamam agak iri2 jalah aktor  Korea hindra, jambul jalah udi kekeh manu, parfum Perancis mampaur hindra enguhni……..

 

Wawei : “Yang, hanyu ngunu ma awe? Bangga nanamni kadinung sayang rapi nelang wangi (*dami la lagi jatuh cinta, inun sa taruni la arti kata “wangi” ru basa maanyan”

 

Upu : (*suni, tersipu malu…..

Hantek 10 taun Haut Idarangan :

 

Wawei : “Pah…! ngunu ma awe sa hanyu tamam agak jalah Abege hindra? Inun yiri ngunu ngantara sa anum lagi sah??? (*ngadidit tanpa alasan).

 

 

Hantek huan idarangan, alias masih pacaran atawa tunangan :

Dami sa upu hobby tuu niba elektronik, tiao andrau garuit garuwak makai obeng ma kawan TV, Radio, Tape dan lain lain

 

Wawei : “Calonku ru wahai ketampilanni, selain pintar hantek hanye kuliah yari, hanye pannai barang tangakaeh kawan TV, Radio “ (*bangga, iwawara ma kawan hengau wawey sa huan kahaba calon)

Hantek 10 taun Haut Idarangan :

 

Wawei : “Pah…ada aur igaruit kawan TV yiri emah magin rusak!!, atet ma hi Rahmat hang pasar ru, elah hanye nangkaehni, duhu sa bayar ekat 50 ribu (*marempeng hindra iraraat penah malem, daya aheng sa hanye wuah garuit, inna sa butuk TV na garuit he he).

 

 

Hantek huan idarangan, alias masih pacaran atawa tunangan :

Dami sa upu aur ngurus satua keleleuanni, 2 kaukui jagau mariyang, 2  kaukui wurung, erang kaukui duyu”

 

Wawei : “Calonku ru halus perasaanni, pe nyanyang binatang bo…., ulunni pembersih tuu” (*bangga, iwawara ma kawan hengau wawey sa huan kahaba calon nelang gemai mutu pusuk suku hang lehung watang he he)

Hantek 10 taun Haut Idarangan :

Wawei : “Pah…ada aur ngurus situa tarus, teka kaiyat hampe kamalem aur sa ngurus duyu katiya duyu eleh, jalah puang uweng anak darangan hindra!!” (*mamperat ngunyak ammau malem).

 

Hantek huan idarangan, alias masih pacaran atawa tunangan :

 

Upu :  “yang….aku haus…”

Wawei : “andrey erang itus lah sayang….(*badadas ngulah es teh erang galas hante nelang mamis bangat he he)

Hantek 10 taun Haut Idarangan :

 

Upu :  “Mah….aku haus…”

Wawei : “NAH ULAH RAERAIIIIIIIIII…PUANG KADINUNG SA HANYU AKU LAGI NGAMPUMU GENNA???”

 

 

#@%^%(**_)+_*&(&%^&(

 

Ha ha ha ha

 

 

 

 

 

 

Author: tumpuknatat

I am a dreamer and lover

One thought on “Perbedaan…..Huan Idarangan andri 10 taun Idarangan

  1. Hahaha….Wajar n lazim dasar kairu sa terjadi. Sa penting tau saling mengerti andri menerima perubahan yiru.
    Kude Amah Willy pasuah mada masakanku, hanye ware masakanku sa alakadarni daripada kutaan ari ulun hang warung puang tajamin eauni. Mun sa ari ulun hang restoran lebih tajamin nelang marauh, kude ang ule bayarni…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s